Хто пойдзе на "Bela Music" задарма: вынікі віктарыны ТУТ

Источник материала:

15 мая 2009 Культура
TUT.BY Цягам трох дзён, з 12 да 14 траўня, TUT.BY сумесна з музычным парталам “Тузін Гітоў” ладзілі віктарыну для тых, хто ведае і любіць беларускую музыку. Самыя кемлівыя і ўважлівыя атрымалі бясплатныя запрашэнні на галоўную музычную падзею вясны — фестываль "Bela Music.

8 самых частых пытанняў пра Bela Music >>>
Нагадаем, 23 траўня на адкрытай пляцоўцы сталічнага аэраклубу "Баравая" адбудзецца першы рэспубліканскі фестываль "Bela Music-09", удзел у якім возьмуць "Крама", "Палац", "Neuro Dubel", "J:морс", "БЕЗ БИЛЕТА", "Дзецідзяцей", "Garadzkija" і гурт Аляксандра Растопчына “Rastop Power Trio”. Суарганізатарамі фэста выступілі Міністэрства культуры, Мінаблвыканкам і Мінгарвыканкам.

Пытанні да наведвальнікаў нашага парталу падрыхтавалі самі лідэры гуртоў-выступоўцаў фэсту "Bela Music". Галоўная ўмова — каб адказ на іх немагчыма было “прагугліць”, але магчыма знайсці праз іншыя крыніцы інфармацыі ды проста з дапамогай кемлівасці.

Ніжэй мы друкуем правільныя адказы на пытанні і спіс пераможцаў віктарыны. Па два запрашэнні на фэст ад музыкаў атрымліваў той, хто самым першым правільна адказваў на адно пытанне. Усе шчасліўчыкі атрымаюць ад нас email, у якім будзе пазначана, калі і дзе можна будзе забраць запрашэнні на фэст.

- Пытанні ад Алега Хаменкі, лідэра гурта “Палац”:

1. Назавіце прозвішча музыканта гурта “Ляпіс Трубяцкой”, які працаваў у складзе “Палаца”.

Адказ: Аляксандар Старажук.
Пераможца: Вольга Гудкова.

2. Што павінна адбыцца з дрэвам, каб яго майстра абраў для стварэння беларускай дуды? (менавіта такая ў гурта “Палац”).

Адказ: У дрэва павінна патрапіць маланка.
Пераможца: Ігар Бельцюгоў.

- Пытанні ад Аляксандра Растопчына, гітарыста "Песняроў" і "Сузор’я":
1. У якім калектыве дэбютаваў Аляксандар Растопчын?

Адказ: Гурт “Універсітэт”.
Пераможца: Алеся Рэгіно.
2. Да якога мастацкага фільму Аляксандар Растопчын разам з Валерыем Дайнекам напісалі музыку?
Адказ: Blasted.
Пераможца: Віталь Дошчачка.
- Пытанні ад Ігара Варашкевіча, фронтмэна “Крамы”:
1. Якую песню гурт “Крама” перазапісваў найчасцей?
Адказ: Песьню “Бяжы хлопец” гурт перазапісваў пяць разоў.
Пераможца: Уладзімір Балыка.
2. У запісе якога адзінага “крамаўскага” альбому не ўдзельнічаў гітарыст каманды Сяргей Трухановіч.

Адказ: “Камэндант”.
Пераможца: Анатоль Ярмак.

- Пытанні ад Піта Паўлава, лідэра гурта “Garadzkija”:
1. Які першы інструмент засвоіў Піт?
Адказ: Акардэон.
Пераможца: Дар’я Калбаснікава.
2. Над якім праектам цяпер працуе лідэр гурта Garadzkija?

Адказ: Музыка да фільму паводле твораў Сяргея Пясецкага.
Пераможца: Правільных адказаў не было.
- Пытанні ад Аляксандра Куллінковіча, фронтмэна “Neuro Dubel”:

1. У якой колькасці альбомаў гурта прысутнічаюць варыяцыі на тэму песні “Петрова, подай воды”?
Адказ: У трох.
Пераможца: Аляксей Аляксандраў.
2. Якая жывёліна была сімвалам гурта Neuro Dubel ў першыя годы яго існавання?

Адказ: Пацук.
Пераможца: Валеры Бірын.

Пытанні ад Віталіка Артыста, лідэра гурта "БЕЗ БИЛЕТА":

1. У 2002 годзе гурт “БЕЗ БИЛЕТА” на некалькі месяцаў змяніў назву. На якую?
Адказ: Mo.re.
Пераможца: Ірэна Янчанка.

2. Колькі кліпаў знята на песні з альбому “БЕЗ БИЛЕТА” "Кино"?

Адказ: 7 (сем)
Пераможца: Вячаслаў Базылеў.

- Пытанні ад Уладзіміра Пугача, лідэра "J:Морс":

1. Якая была першая назва гурта “J:Морс?”
Адказ: “No logo”
Пераможца: Дзмітры Васкевіч.
2. Якую першую песню па-беларуску запісаў гурт?

Адказ: “Прапанова”.
Пераможца: Іна Ваўчэцкая.
- Пытанні ад гурта “Дзецідзяцей”:

1. Што напісана ў запісцы, прымацаванай пад лавай па адрасе: вул.Варанянскага, д.11, к.5, 2-гі пад’езд?

Адказ: Хітрыкі.

2. Што напісана ў запісцы, прымацаванай пад лавай па адрасе: вул. Кнорына, д.15, 1-шы пад’езд?

Адказ: Калькулятар.

3. Што напісана ў запісцы, прымацаванай пад лавай па адрасе: вул. Жудро, д.4, 1-шы пад’езд?
Адказ: Агрэст.

Пераможцы: Кацярына Нiкiцiна, Таццяна Лешчынская, Вікторыя Войнах, Вольга Верашчагіна.