Беларускія літаратары распрануліся для календара

Источник материала:

10 июня 2009 Культура
ТUT.BY Альманах pARTisan ажыццявіў праект, які мае шакаваць пурыстычны беларускі культурны асяродак. На старонках свежавыдадзенага календара “Канец словаў” перад чытачамі прадстануць аголеныя літаратары. Такога ў гісторыі айчыннага прыгожага пісьменства яшчэ не было. “Канец словаў” можна разумець па-рознаму, - кажуць аўтары праекту, сярод якіх літаратарка Марыйка Мартысевіч і культуролаг Максім Жбанкоў, - як вычарпанасць творчага акту, перспектыву новага тэксту альбо невербальнае выказванне літаратара. Таму тут ёсць месца і аголеным азадкам, і тэкстам (у літарах і малюнках), і іх агульным кантэкстам - той прасторы, дзе ў галовах з’яўляюцца словы”.У календары (фатографы Андрэй Шчукін і Дзяніс Нядзельскі ) прадстаўлены фотаздымкі 13 літаратараў, кожны з якіх увасабляе адзін месяц). Для “Канца словаў” пагадзіліся распрануцца філосаф ад літаратуры Валянцін Акудовіч, паэт, старшыня Беларускага ПЭН-цэнтру Андрэй Хадановіч, бард Віктар Шалкевіч, журналіст Севярын Квяткоўскі, музыка Андрэй Такіданг, а таксама, Юрась Барысевіч, Андрэй Адамовіч, Усевалад Сьцебурака, Ільля Сін, Віталь Рыжкоў, Сяргей Прылуцкі.

Відавочна, каб надаць праекту зорнасці і гучання, аўтары запрасілі фронтмэна гурта “N.R.M.” Лявона Вольскага, які ў вольны ад музыкі час займаецца яшчэ і літаратурай.      На думку Андрэя Хадановіча, у Беларусі “аднойчы мусіць распрануцца кожны”. “Калі літаратары - святарныя каровы, настаўнікі жыцця, жывыя помнікі самім сабе, аголеная задніца - адзіны жывы атрыбут, які ўва ўсім гэтым ёсць. Нешта гарантавана “сваё”, - адзначыў паэт.  Прэм’ера-прэзэнтацыя праекту адбудзецца 19 чэрвеня ў бар-клубе “6А”.