Купалаўскі тэатр рыхтуецца да прэм’еры спектакля «ГендэльБах»27 чэрвеня на Малой сцэне Нацыянальнага акадэмічнага тэатра імя Янкі Купалы адбудзецца прэм’ера спектакля «ГендэльБах» паводле п’есы Паўля Барца «Магчымая сустрэча». «Камедыя «Магчымая сустрэча» грунтуецца на ўяўным сюжэце — прыдуманай сустрэчы Баха з Гендэлем у 1747 годзе з нагоды прыняцця Баха ў «Таварыства музычных навук», першым і адзіным ганаровым сябрам якога з 1745 года быў Гендэль. На самай справе гэтыя кампазітары, нягледзячы на шматлікія паралелі ў іх біяграфіях, ніколі не сустракаліся, да таго ж Гендэль апошні раз прыязджаў ў Германію толькі ў 1750 годзе — годзе смерці Баха. Астатнія ж факты, пры ўсёй адвольнасці іх інтэрпрэтацыі, цалкам аўтэнтычныя, у тым ліку і відавочнае нежаданне Гендэля асабіста сустракацца з Бахам, і неаднаразовыя спробы Баха пазнаёміцца з непараўнальна больш славутым калегай пад час ягоных прыездаў у Германію» — так пісаў пра сваю п’есу Паўль Барц. Рэжысёр-пастаноўшчык — Генадзь Мушперт. У ролях: Бах — заслужаны артыст Рэспублікі Беларусь Сяргей Краўчанка, Гендэль — заслужаны артыст Рэспублікі Беларусь Аляксандр Падабед, Шміт — Сяргей Кавальскі, для якога гэтая роля з’яўляецца творчым дэбютам на сцэне Купалаўскага тэатра. У пятніцу, 26 чэрвеня, а 12-й гадзіне на Малой сцэне тэатра адбудзецца грамадскі прагляд спектакля. Чтобы разместить новость на сайте или в блоге скопируйте код:
На вашем ресурсе это будет выглядеть так
27 чэрвеня на Малой сцэне Нацыянальнага акадэмічнага тэатра імя Янкі Купалы адбудзецца прэм’ера спектакля «ГендэльБах» паводле п’есы Паўля Барца «Магчымая сустрэча». «Камедыя «Магчымая сустрэча» грунтуецца на ўяўным сюжэце — прыдуманай сустрэчы Баха з Гендэлем у 1747 годзе з нагоды прыняцця...
|
|