Хочаце пачытаць партызанскiя часопiсы?

19.09.2009 14:18 — |

Размер текста:: A; A; A

Источник материала:

Хочаце пачытаць партызанскiя часопiсы? Выстава "Беларусь партызанская" адкрылася ў сталiчным музеi Вялiкай Айчыннай вайны. Яна з'яўляецца апошняй, трэцяй часткай праекта "Беларусь. Трыумф пераможцаў" — трохi раней музей прэзентаваў выставы, прысвечаныя трафеям вайны i наступальнай аперацыi "Баграцiён". Новая выстава адкрывае для наведвальнiкаў калекцыi партызанскiх рукапiсных часопiсаў, а таксама калекцыю прадметаў выяўленчага мастацтва — малюнкаў i карцiн. Рукапiсны часопiс у гады вайны выпускаўся шмат у якiх партызанскiх атрадах i брыгадах, у iм партызаны занатоўвалi ўсе старонкi свайго жыцця — ад афiцыйных дакументаў да карыкатур, ад апiсання подзвiгаў загiнулых таварышаў да спiсаў святочных датаў. У красавiку 2009 года рашэннем Рэспублiканскай камiсii па ахове гiсторыка-культурнай спадчыны музейнай калекцыi рукапiсных часопiсаў была прысвоена катэгорыя "1", г.зн. каштоўнасцi мiжнароднага значэння. Дарэчы, якраз калекцыя гэтых партызанскiх часопiсаў уразiла пасла Яе Вялiкасцi Каралевы Вялiкабрытанii ў Беларусi спадара Найджэла Гоўлд-Дэвiса, якi на нядаўняй навукова-практычнай канферэнцыi казаў пра магчымасць прэзентацыi такiх унiкальных экспанатаў для заходняй публiкi. На сёння калекцыя налiчвае 248 экзэмпляраў.

Дарэчы, на адкрыццi выставы прысутнiчала Вольга Iванаўна Малышава, жонка знакамiтага партызана, Героя Савецкага Саюза Фёдара Аляксеевiча Малышава, якi зусiм нядаўна пайшоў жыцця. Дык вось, Вольга Iванаўна паабяцала перадаць усе ордэны i медалi свайго мужа ў калекцыю музея Вялiкай Айчыннай вайны.