Вiталь Сеўрукевiч: "Дэкрэт №10: прыцягнуць новых iнвестараў, ператварыць усю краiну ў свабодную эканамiчную зону"

Источник материала:

Вiталь Сеўрукевiч: "Дэкрэт №10: прыцягнуць новых iнвестараў, ператварыць усю краiну ў свабодную эканамiчную зону"

"Беларуская навукова-прамысловая асацыяцыя брала ўдзел у падрыхтоўцы Дэкрэта Прэзiдэнта № 10 "Аб стварэннi дадатковых умоў для iнвестыцыйнай дзейнасцi ў Рэспублiцы Беларусь", паведамiў у гутарцы з карэспандэнтам "Звязды"  першы намеснiк старшынi па прававых i агульных пытаннях БНПА Вiталь Сеўрукевiч. Паводле яго слоў, па сваiм змесце i ў сферы рэгулявання гэты дакумент накiраваны на прыцягненне новых iнвестараў, новых iнвестыцый на падставе заключэння iнвестыцыйных дагавораў.

— Сярод станоўчых момантаў Дэкрэта №10 адзначу тое, што дакументам больш дакладна вызначаныя ўзроўнi заключэння iнвестыцыйных дагавораў у залежнасцi ад тых цi iншых параметраў i льгот, якiя iнвестар хацеў бы атрымаць, — кажа Вiталь Сеўрукевiч. — Iнвестыцыйны дагавор можна заключаць альбо на падставе рашэння рэспублiканскага органа дзяржкiравання, альбо на ўзроўнi Саўмiна, узгодненага з кiраўнiком краiны, цi на ўзроўнi мясцовых органаў улады, калi iнвестару не патрабуюцца нейкiя прэферэнцыi. Акрамя таго, больш дакладна вызначаныя пытаннi будаўнiцтва аб'ектаў, прадугледжаных iнвестыцыйным дагаворам. Iнвестарам, якiя заключылi iнвестыцыйныя дагаворы, прапануюцца такiя агульныя прэферэнцыi, як прадастаўленне зямельнага ўчастка ў арэнду без правядзення аўкцыёну, увоз тэхналагiчнага абсталявання i запасных частак да яго для аб'ектаў, звязаных з рэалiзацыяй iнвестыцыйнага праекта, без платы мытных пошлiн i падатку на дабаўленую вартасць. Да таго ж iнвестар вызваляецца ад пакрыцця страт сельскагаспадарчага прадпрыемства, а таксама кампенсацыйных выплат, звязаных з пераносам i высечкай зялёных насаджэнняў на землях населеных пунктаў i шмат iншых прэферэнцый. На мой погляд, у дакуменце можна было б адлюстраваць пытанне па абароне iнвестыцый, але магчыма, заканадаўцы выдадуць асобны нарматыўны акт па iм.

— Так, несумненна, гэта крок наперад. Хацелася б, каб былi i другi, i трэцi крокi... Мiж iншым, на апошнiм пасяджэннi савета нашай асацыяцыi i пасяджэннi рэспублiканскага савета дырэктараў, на якiх iшла размова аб рэалiзацыi транспартна-лагiстычных аб'ектаў у Беларусi i рэалiзацыi гандлёва-iнвестыцыйных праектаў у рамках удзелу краiны ў саюзах, у прыватнасцi, з Расiяй, СНД, прагучала правiльная думка: нам трэба пераходзiць ад асобных лагiстычных цэнтраў, асобных свабодных эканамiчных зонаў да лагiстычнай краiны, да свабоднай эканамiчнай зоны на ўсю Беларусь. Умовы, якiя сёння ёсць у свабодных эканамiчных зонах, у Парку высокiх тэхналогiй, сябе нядрэнна зарэкамендавалi, i iх трэба распаўсюджваць на ўсю рэспублiку. Дэкрэт № 10 можна разглядаць як крок да таго, каб мы будавалi лагiстычную краiну, абсалютна празрыстую i адкрытую для ўсiх iнвестараў. Прычым не толькi для тых, якiя прыходзяць да нас на падставе iнвестыцыйнага дагавора, але i для дробных iнвестараў, якiя з-за сваiх абмежаваных фiнансавых магчымасцяў не хочуць звязвацца з распрацоўкай нейкiх планаў, вялiкiх праектаў i iнвестыцыйных дагавораў. Апошнiя гатовыя ствараць, дапусцiм, сумесныя прадпрыемствы, адкрываць працоўныя месцы не ў Мiнску, цi Гомелi альбо Магiлёве, а дзесьцi, напрыклад, у Бягомлi, у Слонiме i г.д., гэта значыць у тых нашых малых гарадах i пасёлках, дзе сёння гэта вельмi патрэбна. Для гэтай важнай мэты Дэкрэт з'яўляецца сур'ёзным крокам да лагiстычнай Беларусi.