Абзац

Источник материала:

Абзац

Супрацоўнiкi Нясвiжскай мiлiцыi затрымалi мясцовага жыхара, якi спрабаваў скрасцi больш за 2 тоны пшанiцы новага ўраджаю. Вадзiцель адной з гаспадарак быў затрыманы на службовай аўтамашыне ГАЗ-53 па падазрэннi ў крадзяжы збожжа са склада. Заведзена крымiнальная справа.

Японскi аўтамабiль Lexus RX300 прэмiум-класа ўспыхнуў ўчора ў Гомелi ноччу. У лiчаныя хвiлiны ад дарагога аўто нiчога не засталося. Адпрацоўваюцца версii кароткага замыкання i наўмыснага падпалу. Машына выпушчаная ў 2004 г. Яе рынкавы кошт складае каля $20 тыс.

Магiляўчанiн скраў больш за Br61 млн у Гарводаканале. 50-гадовы начальнiк пошукава-манеўровай групы гарадской арганiзацыi АСВОД, выкарыстоўваючы дублiкат працоўнай кнiжкi, уладкаваўся на працу ў гарадское ўнiтарнае камунальнае прадпрыемства "Гарводаканал" старшым майстрам. На працягу апошнiх 7 гадоў ён перыядычна з'яўляўся на працы, складаючы фiктыўныя табелi працоўнага часу, у якiх указваў, што нiбыта выконваў працу ў адпаведнасцi са сваiмi службовымi абавязкамi. Пры гэтым яму незаконна выплачана заработная плата ў суме Br61,6 млн. Заведзена крымiнальная справа.

Поўны абзац

Прадстаўнiкi Кангрэса брытанскiх прафсаюзаў выступiлi з прапановай заканадаўча абмежаваць вышыню абцасаў, якiя жанчыны могуць насiць на працу. Прафсаюзныя дзеячы (большасць з якiх, дарэчы, — мужчыны) занепакоены тым, што рэгулярнае нашэнне высокiх абцасаў прыводзiць да розных захворванняў i траўмаў галёнкаступнёвага суставу. Паводле звестак прафсаюза, з-за такiх захворванняў брытанцы штогод прапускаюць два мiльёны працоўных дзён. Прадстаўнiкi прафсаюза мяркуюць, што вышыня абцасаў, якiя жанчыны носяць на працу, не павiнна перавышаць чатырох сантыметраў, а калi праца звязана са знаходжаннем на нагах на працягу доўгага часу — двух сантыметраў. Пры гэтым "шпiлькi" падаюцца больш шкоданоснымi, чым шырокiя абцасы. Адна з членаў брытанскага парламента раскрытыкавала iнiцыятыву прафсаюзаў, заявiўшы, што калi б у заканадаўчым сходзе забаранiлi нашэнне высокiх абцасаў, са сваiм ростам 160 сантыметраў яна б згубiлася сярод парламентарыяў-мужчын.

Паводле паведамленняў карэспандэнтаў "Звязды" і інфармагенцтваў.