Главная
Гороскопы
Надвор'е на гэтым тыднi будзе дажджлiваеНадвор'е на гэтым тыднi будзе дажджлiвае 12 жнiўня атлантычны цыклон прынясе ў Беларусь вiльготныя паветраныя масы. Да канца тыдня ў нашай краiне час ад часу будуць iсцi дажджы рознай iнтэнсiўнасцi, паведамiла карэспандэнту БЕЛТА галоўны сiноптык Рэспублiканскага гiдраметэацэнтра Вольга Фядотава. У сераду ў начныя гадзiны па заходняй палавiне Беларусi, а днём на большай частцы тэрыторыi рэспублiкi пройдуць кароткатэрмiновыя дажджы, месцамi з навальнiцамi. Тэмпература паветра ў ноч на сераду складзе 9-15 градусаў цяпла. Днём паветра прагрэецца да 17-24 градусаў. Не зменiцца тэмпературны рэжым i ў чацвер. У многiх раёнах краiны пройдуць кароткатэрмiновыя дажджы, месцамi з навальнiцамi. Трагедыя на адпачынку У Крыме загiнуў мiнчанiн-падлетак У Сакскiм раёне Крыма знойдзена цела 13-гадовага мiнчанiна, якi прапаў у моры 8 жнiўня, паведамляюць iнфармагенцтвы. Ён адпачываў на ўзбярэжжы разам з мацi. Паводле яе слоў, хлопчык плаваў на надзiманым матрацы недзе за 20 метраў ад берага. На нейкiх 10 хвiлiн мацi пакiнула сына без нагляду, а потым ужо не заўважыла нi хлопчыка, нi матраца. На месца былi выклiканы выратавальнiкi. Яны на гiдрацыкле i катары абследавалi акваторыю, але знайшлi толькi матрац. Пошукава-выратавальная група таксама абследавала берагавую паласу, аднак з наступленнем цёмнага часу сутак гэтыя работы былi згорнуты i аднавiлiся 9 жнiўня. Позна ўвечары таго ж дня цела хлопчыка, якое выкiнула на бераг, было знойдзена... Сяргей СТАРЫНАЎ. Ахвяра помнiка 21-гадовы жыхар гарадскога пасёлка Уваравiчы Буда-Кашалёўскага раёна загiнуў пад абломкамi помнiка Ленiну. Як расказала следчы Буда-Кашалёўскага раённага аддзела ўнутраных спраў Ганна Маiсеева, пасля добрага падпiтку на траiх маладыя людзi, якiя адпачывалi на тэрыторыi мясцовай школы, вырашылi сфатаграфавацца на памяць з... помнiкам. На свiтанку адзiн з грамадзян павiс на працягнутай наперад правай руцэ правадыра пралетарыяту. Частка помнiка ў гэты момант абвалiлася, бетонная рука рассекла маладому чалавеку чэрап. Мужчына памёр, не даехаўшы да абласной бальнiцы. Ірына АСТАШКЕВIЧ. Загiнуў трактарыст 8 жнiўня ў Горацкiм раёне 59-гадовы трактарыст ушчыльняў сянажную масу. Ён не справiўся з кiраваннем "К-700", i трактар перакулiўся. Мужчына атрымаў смяротную траўму. Праводзiцца праверка гэтага здарэння. Алена Казлова. |