У Беларусі наладзяць выпуск аўтамабіляў "Лада"

Источник материала:

У сваю чаргу, у Самары пачнуць выпускаць трактары “Беларус”. Такі вынік візіту ў Самарскую вобласць беларускай дэлегацыі на чале з намеснікам прэм’ер-міністра Іванам Бамбізам, падае інтэрнэт-выданне "Время Союза".

Паведамляецца, што ў ходзе сустрэч самарскага кіраўніцтва з беларускай дэлегацыяй абодва бакі адзначылі, што прамыя кантакты паміж Самарскай вобласцю і Беларуссю будуць садзейнічаць змякчэнню эканамічнага крызісу. Паводле Івана Бамбізы, “Беларусь зацікаўленая пераняць досвед Самаршчыны, закуп прадукцыі гэтай вобласці абыдзецца для краіны танней, чым аналагаў з Захаду”.

У склад беларускай дэлегацыі ўваходзілі дырэктары такіх беларускіх прадпрыемстваў, як “Белкамунмаш”, "Гомсельмаш", "Слонімскія малочныя прадукты", “Мінскі завод ім. Кастрычніцкай рэвалюцыі”, “Шклозавод “Нёман” ды іншых.