Мосарскі дальнабойшчык аддаў сваё бульбяное поле пад трасу для картынгістаў, там прайшлі першыя спаборніцтвы

13.03.2012 09:10 — Новости Авто |

Размер текста:: A; A; A

Источник материала:

Унікальны выпадак адбыўся ў гісторыі слыннага на Беларусі мястэчка Мосар Глыбоцкага раёна: адзін жыхар паселішча аддаў сваё бульбяное поле пад трасу для спаборніцтва картынгістаў, іншы жыхар – яго сусед – арганізаваў тыя спаборніцтвы і далёка не мясцовага ўзроўню. Ініцыятыва цалкам заснаваная за энтузіязме мясцовых жыхароў.

Унікальнасць сітуацыі яшчэ і ў тым, што арганізатары спаборніцтваў дзякавалі за спонсарскую дапамогу не глыбоцкаму райвыканкаму, а докшыцкаму, які выдаткаваў пэўныя сродкі на ўзнагароды: дыпломы, кубкі… Гэты чыннік, са словаў суддзі спаборніцтваў Аляксандра Ганчарыка (Мінск), надаў мерапрыемству афіцыйны статус.

Першапачаткова мерапрыемства павінна было адбыцца 7 сакавіка, але з-за ўмоваў надвор'я – слізгатня на трасе, адсутнасць снегу – прыйшлося перанесці на 9 сакавіка. Пры гэтым трасу спаборніцтваў прыйшлося доўга прасаваць трактарам, ссоўваць з палёў снег на тыя месцы трасы, дзе ён ужо зтаяў. Вось гэтую работу як раз і зрабіў жыхар Мосара Андрэй Якімовіч на бульбяным полі Валянціна Мурзіча, які, таксама прыняў чынны ўдзел ва ўпарадкаванні трасы.

Андрэй Якімовіч (Мосар), вадзіцель "дальнабойшчык", арганізатар спаборніцтваў "Мосар-2012"

На спаборніцтвы прыехалі юныя картынгісты з розных гарадоў Беларусі: Мінска, Полацка, Лепеля, Докшыцаў, і, ці не самае галоўнае, з самога Мосара. Дарэчы, Аляксей Якімовіч, КМС, сын арганізатара спаборніцтваў, стаў пераможцам у класе Н-270, а Аня Пачопка, таксама з Мосара, атрымала кубак “За волю да перамогі”.

В блог

Чтобы разместить новость на сайте или в блоге скопируйте код:

На вашем ресурсе это будет выглядеть так

Унікальны выпадак адбыўся ў гісторыі слыннага на Беларусі мястэчка Мосар Глыбоцкага раёна: адзін жыхар паселішча аддаў сваё бульбяное поле пад трасу для...