Ігравы дэбют ураджэнца Баранавічаў Сяргея Лазніцы знайшоў сваё шчасце на «Кінатаўры»

Источник материала:

Стужка «Шчасце маё» атрымала галоўны прыз прэстыжнага расійскага кінафестывалю.

Рэжысёр Сяргей Лазніца на здымках фільма «Шчасце маё».

Ігравы дэбют ураджэнца Баранавічаў Сяргея Лазніцы «Шчасце маё», які быў ўключаны ў конкурсную праграму Канскага кінафэсту, але не перамог там, атрымаў галоўную ўзнагароду на расійскім кінафестывалі «Кінатаўр», паведамляе РИА «Новости».

Гэта метафізічна-змрочны ігравы фільм пра кіроўцу, які збіўся з дарогі ў расійскай правінцыі і, сутыкаючыся з тутэйшымі, заглыбляецца ў сэрца зла. Фільм пастаўлены ва Украіне, на украінскія і нямецкія грошы.

Сяргей Лазніца нарадзіўся ў Баранавічах у 1964 годзе. В учыўся ў Кіеве і Маскве, здымаў стужкі ў Расіі, з 2001 году жыве з сям’ёй у Нямеччыне, але асноўныя фільмы зняў у Санкт-Пецярбургу.

Паводле РИА «Новости»