“Рок-каранацыя-2011” адбудзецца ў лютым

“Рок-каранацыя-2011” адбудзецца ў лютым. Пра гэта Еўрарадыё паведаміў ідэолаг і галоўны арганізатар імпрэзы Юры Цыбін. 

Юры Цыбін: “У наступным годзе ў лютым будзе “Рок-каранацыя”, вядома”.

Па словах Цыбіна, падрыхтоўка да легендарнага беларускага фэста ўжо вядзецца, таксама адабранае журы, якое вызначае лепшых рок-выканаўцаў 2011 года. Праўда, называць імёны і распавядаць пра асаблівасці сёлетняй імпрэзы спадар Юры адмовіўся: маўляў, усё ў працэсе. Адзінае, абяцае Цыбін, нешта новае ў форме правядзення свята абавязкова будзе.