Як становіцца гісторыяй "гусарскі дом" у Гродне

• Алесь Кіркевіч, Твой стыль

/

• TUT.BY

10 мая пачаўся знос "гусарскага дома" (Дзяржынскага, 20а) у раёне Новага Свету ў Гродне. Нягледзячы на публікацыі ў мясцовых СМІ і заступніцтва гісторыкаў, "цуд не адбыўся".

Двухпавярховы будынак належыў да міжваеннага перыяду і з’яўляўся яскравым прыкладам гарадзенскай драўлянай архітэктуры таго часу. Літаральна за пару дзён да гэтага быў знесены дом побач (Дзяржынскага, 20), дзе перад вайной жылі гаспадары "гусарскага дома", здаючы яго кватэрантам (на фота - на другім плане).



– Знос дома па вул. Дзяржынскага, 20 быў для нас адносна чаканай падзеяй, – каментуе гісторык Андрэй Чарнякевіч, – хоць спадзяванне на тое, што яго рэанімуюць, усё адно заставалася. Для мяне гэта знак таго, што нічога не змянілася: цуд не адбыўся.



Як "гусарскі дом" у раёне Новы Свет становіцца гісторыяй, сваімі здымкамі расказвае гарадзенскі блогер Supron-licvin, які "прыйшоў у апошні раз пабачыць яго". 

Фота: Supron-licvin 







Разборка дома на Астроўскага: 



Дом, які перад вайной пабудаваў гродзенскі доктар Беклемішаў, яскравы прыклад “драўлянага” канструктывізму. 





"Мая знаходка - лыжная палка, - піша блогер. - Зроблена з бамбука, апорнае кола - з лазы, пераплецена скуранымі рамнямі. Мабыць, сам гаспадар гэтага дома ў міжваенны час гойсаў на лыжах з ёю)))".