За палітвязняў! (фота)

Источник материала:

Учора ў офісе Партыі БНФ Лявон Вольскі і гурт “Крамбамбуля” падтрымалі палітвязняў.

Музыка выступіў у межах музычнага марафона салідарнасці з палітвязнямі Беларусі. У цесным памяшканні сабралося столькі людзей, што праціснуцца да ўваходу было амаль немагчыма.

Музыка прызнаўся, што ўдзел у акцыі ён узяў у першую чаргу з-за таго, што, на яго думку, на палітвязняў у нашай краіне звяртаюць мала ўвагі. Праграма гадзіннага канцэрту падыходзіла пад тэму – у асноўным гучалі лірычныя кампазіцыі.

Акрамя таго, Вольскі прызнаўся, што музыкі і іншыя творцы таксама жывуць, як закладнікі. Амаль немагчыма дабіцца дазволу на канцэрт той жа “Крамбамбулі” у Мінску, а афіцыйныя дзеячы працягваюць рабіць выгляд, што прабемы не існуе.