У Вілейцы выбралі лепшых чытачоў

14.01.2013 — Новости Культуры |

Размер текста:: A; A; A

Источник материала:

Напрыканцы года работнікі бібліятэк горада вызначылі самых актыўных чытачоў.

Пры выбары ўлічвалі, хто больш за ўсіх наведаў бібліятэку і прачытаў выданняў. Але не толькі: бралі пад увагу ўдзел у жыцці бібліятэкі. Напрыклад, хтосьці падарыў установе кнігі, нехта даваў ім новае жыццё.

Лепшымі аказаліся людзі розных узростаў і прафесій. Гэта вучні – гімназіі "Логас" Алена Пенда і Сяргей Свяцкі, СШ №3 Паліна Паўловіч, СШ№1 Алег Палубятка, настаўнікі Таццяна Лявіцкая і Часлаў Лобач, доктар Ірына Буйко, слесар Сяргей Арловіч, вайсковец Генадзь Гамолка, часова непрацуючая Ніна Дзевяцень, пенсіянеры Людміла Жалудок, Зінаіда Місевіч і Аляксандр Жук, паведамілі ў аддзеле бібліятэчнага маркетынгу Вілейскай цэнтральнай раённай бібліятэкі.

Іх ушанавалі на свяце «А чытанне, а чытанне – твой сябар на шмат гадоў», якое прайшло ў школе мастацтваў. Адданым чытачам уручылі сімвалічныя сувеніры – вазы з эмблемай Года кнігі. Вырабіла іх майстрыха Наталля Сідэрчык.

Алесь ВЫСОЦКІ.

Фота rusrep.ru