У Астраўцы на конкурсе “Міні-міс” дарылі планшэт і фотаапараты

Источник материала:

У нядзелю, 2 чэрвеня, у Астраўцы прайшоў конкурс “Міні-міс”. Пераможца Гран-пры атрымала планшэт.

Для ўдзелу ў конкурсе было абрана 17 чалавек, але адна ўдзельніца адмовілася з-за цяжарнасці сваёй маці.

Пераможцай Гран-пры стала дзесяцігадовая Алена Іваска. Дзяўчынка ў якасці прызу ад спонсараў атрымала планшэт.

У малодшай групе, дзе дзяўчынкі да 8 гадоў, перамагла Дар’я Пятровіч.

А ў старэйшай, дзе ўдзельніцам ад 8 да 10 гадоў, перамагла Караліна Шуцяловіч. Яны атрымалі ў падарунак фотаапараты.

Таксама спонсары дарылі ролікі, навушнікі.

Як расказала мастацкі кіраўнік раённага Дома культуры Анастасія Ляховіч, мерапрыемства прайшло вельмі добра і на адным дыханні. Дзеці былі вельмі актыўныя і добра падрыхтаваныя.

Вольга ЮРКЕВІЧ.

Фота cotecaen.fr