Багач прайшоў па Вязынцы

Некалькі сотняў чалавек сталі не проста гледачамі, але і удзельнікамі старажытнага абраду на восеньскім фэсце. Свята Багач прымеркавана ў народным календары да заканчэння збору ўраджаю. У лубок збіралася жыта з усёй вескі па жмені, ўстаўлялася i запальвалася свечка, якая сымвалізавала сонца. Пасля лубок з запаленай свечкай абносілі па ўсёй вёсцы пры ўдзеле ўсіх жыхароў. Прыняць удзел у зборы жыта ў Багач азначала падзяку багам за ўраджай, а значыць, і надзею на тое, што наступны ўраджай будзе не горшым. Так і на фэсце ў Вязынцы, кожны жадаючы мог насыпаць жыта ў лубок, забяспечыўшы сабе дабрабыт у наступным годзе.
 

Пра Багач:

“Багач, што ўсяго багата. Гаспадар падлічвае свае скарбы: што сабраў з поля, што ў агародзі вырасла.”

“Бабіна лета бывае, калі Багач. Тады цяплей і павуцьцё сьцелецца”

“Багач называўся таго, што восень багатая, што дары даў Бог.”