Стартуе конкурс на суісканне абласной літаратурнай прэміі імя У.А. Калесніка

Источник материала:

З 1 лютага 2019 года стартуе конкурс на суісканне абласной літаратурнай прэміі Брэсцкага абласнога выканаўчага камітэта імя У.А. Калесніка.

Прэмія спрыяе стварэнню пісьменнікамі вобласці высокамастацкіх твораў, выяўленню знакавых імёнаў у сферы слоўнага мастацтва, павышэнню статусу пісьменніка ў грамадстве, умацаванню станоўчага іміджу вобласці і праводзіцца адзін раз у 2 гады па трох намінацыях:

• проза (у тым ліку драматургія і публіцыстыка);
• паэзія;
• дзіцячая літаратура.

Матэрыялы па вылучэнні твораў на суісканне прэміі прадстаўляюцца аўтарамі не пазней за 1 мая 2019 года на адрас Брэсцкага абласнога аддзялення Саюза пісьменнікаў Беларусі: пр-т Машэрава, 75/1, каб. 605 і ўключаюць:

• кароткія біяграфічныя звесткі аб суіскальніку;
• тры экзэмпляры літаратурнага твора, што вылучаецца, выдадзенага ў 2017-2018 гадах;
• артыкулы, рэцэнзіі, водгукі ў прэсе, прысвечаныя гэтаму твору.