Ходцевские школьники прославили район на международном уровне

Вольга Карпава, вучаніца 10 класа, і Канстанцін Паразенка, навучэнец 6 класа Ходцаўскай ДССШ, выхаванец Ходцаўскага філіяла Машканскай ДШМ, сталі прызёрамі Міжнароднага фестывалю-конкурсу маладых выканаўцаў эстраднай песні “Дзве сястры – Беларусь і Расія”, які на днях прайшоў у Віцебску.

 У намінацыі “Эстрадная песня” ва ўзроставай катэгорыі 11-17 гадоў юныя сенненцы ўзнагароджаны дыпломамі трэцяй ступені.

 Фестываль, прысвечаны Дню яднання народаў Беларусі і Расіі, прайшоў у дзясяты раз. Ён праводзіцца з мэтай раскрыцця і падтрымкі маладых талентаў, закліканы садзейнічаць умацаванню добрасуседскіх адносін паміж моладдзю дзвюх краін, развіццю культурнага абмену, прапагандзе лепшых узораў музычнай культуры.

 З кожным годам колькасць удзельнікаў мерапрыемства расце. Сёлета каля 200 дзяўчат і юнакоў з розных гарадоў нашай краіны і Смаленскай вобласці на працягу трох дзён змагаліся за перамогу ў фестывалі.

 Для Вольгі і Канстанціна гэта першы поспех, атрыманы ў конкурсе міжнароднага маштабу. Імёны ходцаўскіх школьнікаў вядомы на Сенненшчыне. Стартавай пляцоўкай для Вольгі было яе выдатнае выступленне ў раённым конкурсе “Ранішняя зорка”. Канстанцін таксама добра ведае, што значыць выступаць перад вялікай глядацкай залай. Ён неаднаразова станавіўся прызёрам разнастайных мерапрыемстваў.  

 Ала ЯКАЎЛЕВА.