24 кастрычніка прайшло выязное пасяджэнне калегіі Міністэрства жыллёва-камунальнай гаспадаркі Рэспублікі Беларусь на базе Смаргонскага і Ашмянскага раёнаў.
У ім прымалі ўдзел намеснік старшыні Гродзенскага аблвыканкама Уладзімір Дзяшко, намеснікі старшыняў іншых абласных выканаўчых камітэтаў, старшыня Камітэта дзяржкантролю па Гродзенскай вобласці Анатоль Дарожка, члены калегіі, кіраўнікі абласных аб’яднанняў жыллёва-камунальнай гаспадаркі і падначаленых ім прадпрыемстваў, першы намеснік старшыні Смаргонскага райвыканкама Сяргей Мядзвецкас і старшыня Ашмянскага раённага выканаўчага камітэта Міраслаў Сарасек.
![86b57f3852c717594b8e7fc09586feee.jpg](http://www.21.by/pub/news/2018/10/1540458610689213.jpg)
Адкрываючы гэта мерапрыемства ў Смаргонскім РУП “ЖКГ”, Міністр жыллёва-камунальнай гаспадаркі нашай краіны Аляксандр Церахаў адзначыў, што на разгляд вылучаны два пытанні. Першае тычыцца выканання дзяржаўнай праграмы “Камфортнае жыллё і спрыяльнае асяроддзе”, другое – запазычанасці і стану разлікаў за пастаўляемыя жыллёва-камунальныя паслугі.
Згодна з планам правядзення выязнога пасяджэння калегіі міністэрства ЖКГ удзельнікі гэтага мерапрыемства наведалі два камунальныя аб’екты ў Смаргонскім раёне. Спачатку пляцоўку для раздзельнага збору бытавых адходаў у горадзе, паблізу гасцініцы, дзе намеснік старшыні райвыканкама Аляксандр Бажыдай расказаў аб тым, як праводзіцца ліквідацыя міні-палігонаў у сельскай мясцовасці, і жыхары заключаюць дагаворы з ЖКГ на вываз бытавых адходаў з населеных пунктаў, як нарыхтоўваюцца другасныя матэрыяльныя рэсурсы.
![a019b6bca34a4aeb98f422faa259b47a.jpg](http://www.21.by/pub/news/2018/10/1540458610895142.jpg)
У Асінаўшчызне была паказана кацельня, дзе выкарыстоўваюцца электракатлы. Як адзначыў галоўны інжынер РУП “ЖКГ” Аляксей Гакуць, да яе рэканструкцыі ў якасці паліва выкарыстоўваўся прыродны газ, таму работа гэтага камунальнага аб’екта была неэфектыўнай. Пры выкарыстанні электракатлоў падагрэў вады ажыццяўляецца ноччу, калі больш нізкі тарыф на электрычную энергію.
У Ашмянскім раёне ўдзельнікі калегіі наведалі 3 камунальныя аб’екты, пасля чаго бліжэй да заканчэння працоўнага дня прайшло пленарнае пасяджэнне, на якім былі падведзены вынікі работы падраздзяленняў ЖКГ.
![99b59be8f3864b6244d0d8721460a82a.jpg](http://www.21.by/pub/news/2018/10/1540458610949961.jpg)
![cb6369cd04a85748c188baa89784f0ca.jpg](http://www.21.by/pub/news/2018/10/1540458611017181.jpg)
![0011b30fd20af23f0499805c5c085654.jpg](http://www.21.by/pub/news/2018/10/1540458611091969.jpg)
![10ef775b4217f80dcd12c5db6da325a5.jpg](http://www.21.by/pub/news/2018/10/1540458611163078.jpg)
![28e9bdc85489b82271ecf71e914d32f6.jpg](http://www.21.by/pub/news/2018/10/1540458611246114.jpg)
![82ad2347d0c41465bf3d18f077bba794.jpg](http://www.21.by/pub/news/2018/10/1540458611309046.jpg)
![2fcd70d5066e58923a2933684f7d298d.jpg](http://www.21.by/pub/news/2018/10/1540458611363294.jpg)
![93fe6686700a9558d63190c087bf689a.jpg](http://www.21.by/pub/news/2018/10/1540458611411142.jpg)