У беларускай даменнай зоне з’явіўся інтэрнэт-рэсурс цалкам на беларускай мове для гееў, лесбіянак, бісэксуалаў ды трансгендарных людзей, а таксама ўсіх, каго цікавіць гэтая тэма.
Зараз сайт у асноўным публікуе навіны пра жыццё гей- лесбі-супольнасці. Аднак у бліжэйшы час на ім з’явіцца карысная інфармацыя для бацькоў і родных гомасэксуалаў, іх знаёмых і блізкіх, журналістаў, супрацоўнікаў дзяржаўных ды недзяржаўных арганізацый, з якой яны змогуць даведацца аб тым, што такое гомасэксуальнасць, як рэагаваць і як сябе паводзіць, калі стала вядома аб гомасэксуальнасці вашага сына ці дачкі, сябра ці сяброўкі, аднакурсніка ці калегі. Журналісты змогуць атрымліваць інфармацыю аб сітуацыі з правамі гомасэксуалаў у нашай краіне і за яе межамі, аб падзеях, якія адбываюцца ў жыцці гей- лесбі-супольнасці.
«Ідэя стварэння беларускамоўнага інтэрнэт-рэсурса з’явілася ў нас даўно, — гаворыць рэдактар рэсурса Аляксандр Палуян. — У нас у краіне ёсць некалькі рускамоўных гей-рэсурсаў, адзін з якіх , аднак інфармацыі на беларускай мове мы публікуем там мала. Дадзены сайт, , перш за ўсё, ставіць перад сабой мэту паведамляць аб жыцці гомасэксуалаў у Беларусі і свеце на роднай мове, прапагандаваць выкарыстанне беларускай мовы, якая паступова, нажаль, знікае з паўсядзённага жыцця беларусаў, сярод насельніцтва краіны, а таксама даваць карысную інфармацыю для родных і блізкіх, калег і сяброў гомасэксуалаў».
Рэсурс цалкам з’яўляецца валанцёрскім праектам і ствараецца выключна на энтузіязме валанцёраў і на іх асабістыя сродкі.
Главная
Гороскопы
