Пажылую жанчыну ў Мінску забіла кавалкам лёду, які ўпаў з даху

Источник материала:

Няшчасны выпадак адбыўся ў доме №38 па вул.Даўгабродская, паведамілі ў Мінскім гарадскім упраўленні МНС..

«80-гадовая бабуля са сваімі сяброўкамі сёння каля 2‑х гадзін дня сядзела на лаўцы ля пад’езда, калі з даху на яе ўпаў кавалак наледзі». Жанчына памерла на месцы да прыезду машыны хуткай дапамогі, медыкі канстатавалі смерць.

Як распавёў гадоўны доктар гарадской станцыі хуткай медыцынскай дапамогі Мінска Эдуард Козыраў, гэта першы зарэгістраваны выпадак падзення ледзяшоў на людзей.