Фiнансавая мiлiцыя выкрыла буйны крадзеж бiяпалiва

Источник материала:

Чатыры жыхары Касцюковiчаў кралi бiядызельнае палiва з цеплавозаў Беларускага цэментнага завода. Упраўленне Дэпартамента фiнансавых расследаванняў КДК па Магiлёўскай вобласцi спынiла дзейнасць злачыннай групы.

Затрыманы 24-гадовы мужчына, якi на сваiм мiкрааўтобусе "Фальксваген Каравэла" перавозiў 300 лiтраў бiядызелю. Як высветлiлася, палiва крадзенае, а дапамагалi яго "прыватызаваць" два машынiсты цеплавозаў чыгуначнага цэха на цэментным заводзе, а таксама памочнiк машынiста, якi з'яўляецца бацькам затрыманага маладога чалавека. Здабытае на прадпрыемстве палiва рэалiзоўвалася ў Касцюковiчах уладальнiкам аўтамабiляў па цане 1000 рублёў за лiтр.

Распачата крымiнальная справа, на затрыманы аўтамабiль накладзены арышт. Як паведамiў начальнiк арганiзацыйна-iнспектарскага аддзела УДФР КДК па Магiлёўскай вобласцi Аляксандр Шаройкiн, следства ўжо даказала крадзеж 2500 лiтраў палiва на суму 3,6 мiльёна рублёў. Зладзеям пагражае зняволенне да 5 гадоў.

Ад пабояў мужчына памёр у сваёй хаце. Следчая група ўстанавiла, што напад зрабiў 21-гадовы жыхар в. Ратайчыцы разам з 20-гадовым напарнiкам з в. Навiцковiчы. Забойцы напачатку залезлi ў хату, каб абакрасцi старога, але калi ўбачылi, што цiха зрабiць гэта не ўдасца, то з хаты нiчога не ўзялi, але пенсiянера забiлi.

У в. Вялута (Лунiнецкi раён) таксама пацярпеў пенсiянер. Яго у сваёй хаце ноччу моцна збiлi аднавяскоўцы — 25 i 28 гадоў. З паламанымi рэбрамi i пашкоджаным лёгкiм гаспадара даставiлi ў бальнiцу.

Камiтэтам дзяржбяспекi была атрымана iнфармацыя пра магчымую спробу ўвозу наркатычных сродкаў на тэрыторыю Беларусi. Быў вядомы i перавозчык, якi неўзабаве i з'явiўся ў "Брузгах". На стандартнае пытанне пагранiчнiка пра наяўнасць забароненых для ўвозу прадметаў i тавараў малады чалавек адказаў адмоўна, аднак агляд машыны гэта не пацвердзiў. У салоне легкавiка былi выяўленыя тры запаяныя ўпакоўкi з-пад кавы, i службовы сабака iмгненна адрэагаваў на рэчыва, якое там знаходзiлася. А экспертыза пацвердзiла: марыхуана.

У дачыненнi да мiнчанiна Упраўленнем КДБ па Гродзенскай вобласцi ўзбуджана крымiнальная справа па артыкуле "кантрабанда наркатычных сродкаў", якi прадугледжвае пакаранне ад трох да сямi гадоў пазбаўлення волi.

Наркадылер да нядаўняга часу быў заснавальнiкам рыэлтарскай кампанii ў адной з краiн Усходняй Еўропы. Яна не вытрымала крызiсных з'яў i збанкрутавалася. Следству яшчэ трэба высветлiць, цi не выкарыстоўвалася гэтая фiрма раней для легалiзацыi атрыманых злачынным шляхам грошай. Цi мо былы рыэлтар з дапамогай наркатрафiку вырашыў палепшыць сваё матэрыяльнае становiшча?

Тут дажывалi свой век 60-гадовая жанчына з сужыцелем, на 2 гады за яе старэйшым. Яны разам атрымалi пенсiю, разам урачыста пайшлi адзначаць такую важную падзею — трыма пакетамi вiна, расказваюць мясцовыя жыхары. Вядома i тое, што гэта быў звычайны лад жыцця пенсiянераў. Калi па выклiку прыехалi пажарныя, выратоўваць ужо не было каго. Выгарала прыкладна 2 квадратныя метра падлогi вакол ложка. Як паведамляюць у прэс-службе Гомельскага абласнога ўпраўлення МНС, папярэдняя прычына трагедыi — неасцярожнае абыходжанне з агнём. Астатняе можна толькi дадумваць: цi то была цыгарэта гаспадара, цi то свечкi, якiмi яны асвятлялi сваё жытло з-за адсутнасцi электраэнергii.

У названым месцы дзяржiнспектары i аператыўная група Докшыцкага райаддзела мiлiцыi сапраўды знайшлi сляды. Падчас пошукавых мерапрыемстваў у лазнi мясцовага жыхара ў вёсцы Валкалаты былi знойдзены рэшткi... пяцi свежых тушаў дзiкоў. А ў падвале дома — мяса дзiкiх жывёл. У паляўнiчых угоддзях былi адшуканы i iншыя месцы здабычы дзiкоў. Зведзена крымiнальная справа, парушальнiк затрыманы.