Былы начальнік Бабруйскага аддзела ДАІ падазраецца ў хабарніцтве

Источник материала:

Упраўленне Дэпартамента фінансавых расследаванняў КДК па Магілёўскай вобласці распачало адразу дзве крымінальныя справы за атрыманне хабару асобай, якая займае адказнае становішча, і падбухторванне да хабарніцтва. Гэтыя крымінальныя справы датычацца былога начальніка аддзела ДАІ УУС Бабруйскага гарвыканкама.

Следства вызначыла, што ў снежні 2009 года гэты чалавек пры пасярэдніцтве 40-гадовага непрацуючага бабруйчаніна атрымаў 200 долараў за станоўчае вырашэнне пытання аб здачы экзаменаў на атрыманне вадзіцельскага пасведчання.

Потым ён звольніўся з праваахоўных органаў, але ў сёлетнім сакавіку па папярэдняй змове з пасярэднікам схіліў работніка камерцыйнага прадпрыемства даць хабар 200 долараў за атрыманне вадзіцельскага пасведчання. Пры атрыманні хабару пасярэднік быў затрыманы.

Ва УДФР паведамілі, што былы начальнік аддзела ДАІ арыштаваны, вядзецца следства.