У Слоніме дырэктар апынуўся за кратамі за адпраўленага ў накаўт рабочага

Трактарыст пасля працоўнага дня папрасіў кіроўцу свайго начальніка падвезці яго да садка, каб забраць дзіця. Вадзіцель на наступны дзень паскардзіўся дырэктару, што "ў таксісты ён не наймаўся". Той, сустрэўшы трактарыста, "паразмаўляў" з ім з дапамогай кулака. У выніку, пацярпелы на працягу трох месяцаў аказаўся няздатным да працы ў якасці трактарыста, паведамляе газета "Звязда".

Суд кваліфікаваў такія дзеянні дырэктара тэрмінамі з Крымінальнага кодэкса: наўмыснае здзяйсненне службовай асобай дзеянняў, якія яўна выходзяць за межы правоў і паўнамоцтваў, дадзеных яму па службе, і спалучаныя з гвалтам.