Жаніх на ўласным вяселлі ледзь не зарэзаў бармэншу

Источник материала:

Вяселле, як і вядзецца на такіх мерапрыемствах, спявала, скакала і біла посуд. Аднак калі жанчына-бармэн папрасіла жаніха заплаціць за пабітыя шклянкі, той павёў сябе неадэкватна: спачатку выбег з кафэ, а, вярнуўшыся, накінуўся на работніцу ўстановы з нажом, — распавялі ў аддзеле крымінальнага вышуку Баранавіцкага ГАУС.

Мужчына парэзаў жанчыне твар, галаву, плячо і калені. Як адзначылі праваахоўнікі, калі б не наведвальнікі, якім, каб супакоіць мужчыну, прыйшлося ўдарыць яго па галаве бутэлькай, усё магло б скончыцца трагічна.

Гараджанін затрыманы. Мужчына, як высветлілася, стаіць на ўліку ў псіханеўралагічным дыспансеры. У дачыненні да яго 20 жніўня сьледчымі пракуратуры Брэсцкай вобласці ўзбуджана крымінальная справа па артыкуле «замах на забойства».

Пацярпелая ў зараз знаходзіцца дома на бальнічным.