Нідэрландзец, які забіў сваю жонку-беларуску, вызвалены да суда

Источник материала:

Разам з тым 12 студзеня ў Бельгіі пачаўся судовы працэс, па якім Брокель з пяццю саўдзельнікамі праходзіць як падазроны ў нелегальным правозе ў краіну трох кілаграмаў какаіну. Гэты суд працягнецца 30 сакавіка.

39-гадовы Брокель быў арыштаваны 30 кастрычніка 2010 года па распараджэнні пракуратуры галандскага горада Брэды на падставе вынікаў расследавання справы аб забойстве.

Брокель сваю віну адмаўляе. Упершыню ён быў затрыманы па падазрэнні ў забойстве жонкі ў лютым 2008 года. У маі 2008 года быў вызвалены па рашэнні брэдскай пракуратуры, аднак праваахоўныя органы Бельгіі і Нідэрландаў прадоўжылі расследаванне.

Беларуска Кацярына Хоняк і Роберт Ян Брокель былі знаёмыя з 2001 года. Нідэрландская прэса піша, што Хоняк прыехала ў бельгійскі Антверпен працаваць у адным з публічных дамоў, а Брокель быў яе кліентам.

У ліпені 2007 года беларускія сваякі звярнуліся з заявай аб знікненні жанчыны ў Маскоўскае РУУС Мінска. Яе астанкі былі знойдзеныя паліцыяй 18 лютага 2008 года ў доме ў галандскім горадзе Баарле-Насау, дзе Кацярына жыла з мужам і дачкой. Цела знаходзілася ў скрыні, было заліта будаўнічай сумессю і змешчана пад падлогу пад ложкам чатырохгадовай дачкі.