Аўто рамантавалі, а падаткі не плацілі

Источник материала:

Больш за сто парушэнняў у сферы паслуг па рамонце і тэхнічным абслугоўванні аўто і гандлі запчасткамі для іх выявілі супрацоўнікі па-датковых органаў на Віцебшчыне.

І гэта толькі за першыя чатыры месяцы гэтага года. У ліку выяўленых парушэнняў было і 17 фактаў незарэгістраванай грамадзянамі прадпрымальніцкай дзейнасці. У дачыненні парушальнікаў склалі пратаколы аб адміністрацыйнай адказнасці. Сума штрафаў склала пяць мільёнаў рублёў.

Што тычыцца легальных прадпрымальніцкіх структур, якія рэалізуюць запасныя часткі да транспартных сродкаў, як высветлілася, і яны "не без граху". Па выніках праверак дадаткова было налічана больш за 270 мільёнаў рублёў падаткаў. Наклалі 20 мільёнаў рублёў штрафаў.

Аляксандр ПУКШАНСКІ.