Апошнім часам пачасціліся выпадкі крадзяжу з WM-кашалькоў

Источник материала:

Апошнім часам пачасціліся выпадкі крадзяжу грашовых сродкаў, якія знаходзяцца ў кашальках электроннай плацежнай сістэмы WebMoney, паведамілі карэспандэнту БЕЛТА ва ўпраўленні "К" МУС Беларусі.

Як растлумачылі ў МУС, зламыснікі звяртаюцца да грамадзян, якія размясцілі на найбольш папулярных інтэрнэт-рэсурсах паведамленні аб жаданні правесці абмен тытульных знакаў плацежнай сістэмы WebMoney на наяўную замежную валюту. Яны прапаноўваюць устанавіць спецыялізаванае праграмнае забеспячэнне, неабходнае для пацвярджэння правядзення здзелкі. Пасля гэтага ахвяра пераводзіць патрэбную грашовую суму на названы зламыснікамі электронны кашалёк "пад пратэкцыяй", гэта значыць, з магчымасцю вяртання.

Бакі дамаўляюцца аб асабістай сустрэчы з мэтай перадачы кода пратэкцыі і атрымання наяўных грашовых сродкаў у замежнай валюце.

Аднак сустрэчы не адбываецца, а ўстаноўленае шкоднае праграмнае забеспячэнне дае магчымасць зламыснікам выкрасці грашовыя сродкі з электроннага кашалька.