Дапамаглі апавяшчальнік і сусед

Источник материала:

У нядзелю мастоўскім выратавальнікам патэлефанаваў грамадзянін з вёскі Малыя Азяркі: дом суседа моцна задымлены. Аднак пажар быў патушаны яшчэ да прыбыцця падраздзяленняў МНС.

Адбылося ж наступнае. Гаспадыня дома, падыходзячы да жытла, пачула гук спрацаваўшага аўтаномнага пажарнага апавяшчальніка. Паклікала на дапамогу суседа. Мужчына вынес з дома сына гаспадыні (1978 года нараджэння) на вуліцу, пасля чаго заліў канапу вадой. Вінаваты ў пажары, згодна з папярэдняй версіяй, знаходзіўся ў стане алкагольнага ап'янення. Мяркуецца, што мела месца неасцярожнасць пры курэнні.

Сяргей РАСОЛЬКА.