Папалявалі на 26 млн

Источник материала:

На тэрыторыі Целяханскай лесапаляўнічай гаспадаркі супрацоўнікі Пінскай міжрайінспекцыі затрымалі браканьера з 18 кг мяса дзіка, а другому ўдалася ўцячы. Аператыўнікі з Пінскага РАУС забралі ў браканьера стрэльбу з патронамі. Стаіць пытанне аб завядзенні крымінальнай справы.

А за тры дні да гэтага супрацоўнікі Пінскай міжрайінспекцыі ў адной вёсцы выйшлі на трох мужчын, якія выгружалі з аўтамашыны ператваральнік току, акумулятарную батарэю і рыбалоўны сачок. Знайшлі ў машыне і ўлоў, здабыты браканьерамі ў рацэ Ясельда. 178 рыбін пацягнулі на 37 кг. За такі ўлоў браканьерам давядзецца заплаціць 744 базавыя велічыні, ці 26 млн рублёў.

Сымон Свістуновіч.