Віляйчанін траўмаваў вока коркам ад шампанскага

Жыхар Вілейкі 1 студзеня траўмаваў вока коркам ад шампанскага.

Пра гэта ў інтэрв'ю "РГ" расказаў загадчык аддзялення хуткай дапамогі вілейскай бальніцы Васіль Канівец.

"Траўма не цяжкая – зрок у мужчыны захаваўся", – сказаў ён.

Падобныя выпадкі, паводле яго слоў, характэрныя для навагодняга свята. Увогуле 31 снежня – 1 студзеня для аддзялення хуткай дапамогі прайшлі нармальна. Выклікаў было працэнтаў на 20 больш, чым у звычайныя дні, але нечага надзвычайнага не здаралася. Толькі адзін выпадак – згаданая вышэй траўма вока.