Міна ў магіле

Источник материала:

"Левыя" аўтазапчасткі

Буйную партыю "левых" запчастак да транспартных сродкаў і аўтакасметыкі спынілі паблізу пасёлка Берагавы супрацоўнікі Гродзенскага РАУС сумесна з калегамі са спецпадраздзялення ДАІ "Дэльта" і работнікамі абласной падатковай інспекцыі.

Нелегальны груз (на агульную суму больш за 30 мільёнаў рублёў) перавозілі на службовых машынах двое мінчан. Мяркуецца, што тавар прызначаўся для рэалізацыі за наяўныя грошы прадпрымальнікам, каб пазбегнуць падаткаабкладання. На некаторых скрынях нават быў адрас, куды даставіць запчасткі.

Як правіла, у падобных выпадках кантрафактны тавар па рашэнні суда накіроўваецца ў даход дзяржавы, паведамляе аддзяленне інфармацыі і грамадскіх сувязяў УУС Гродзенскага аблвыканкама.

Барыс ПРАКОПЧЫК. Міна ў магіле

Пахаванне ў Бабруйску магло скончыцца выбухам. 11 студзеня ўдзень рабочыя прадпрыемства "Рытуал" капалі яму пад пахаванне на гарадскіх могілках па вуліцы Мінскай — і натрапілі на міну. На месца здарэння адразу выклікалі сапёраў, якія выявілі цэлы арсенал боепрыпасаў часоў Вялікай Айчыннай вайны: тры міны, адзін артылерыйскі снарад, дзве гранаты. Група размініравання усё гэта выкапала і знішчыла.

Пахаванне ў Бабруйску магло скончыцца выбухам. 11 студзеня ўдзень рабочыя прадпрыемства "Рытуал" капалі яму пад пахаванне на гарадскіх могілках па вуліцы Мінскай — і натрапілі на міну. На месца здарэння адразу выклікалі сапёраў, якія выявілі цэлы арсенал боепрыпасаў часоў Вялікай Айчыннай вайны: тры міны, адзін артылерыйскі снарад, дзве гранаты. Група размініравання усё гэта выкапала і знішчыла.

Ілона Іванова.

На вуліцы згарэў мікрааўтобус

Адбылося гэта ў сярэдзіне дня на вуліцы Куляшова ў Мінску.

Калі на месца здарэння пасля тэлефанавання мінака прыбылі падраздзяленні МНС, "Мерседэс Спрынтар" ужо гарэў адкрытым полымем. Пасля было высветлена, што загаранне адбылося ў салоне мікрааўтобуса. У выніку пажару транспартны сродак быў пашкоджаны цалкам. Мяркуецца, што пажар адбыўся з-за кароткага замыкання электрасвяцільніка салона.

Сяргей РАСОЛЬКА.