Паблізу мяжы загінуў літоўскі пагранічнік (+фота)

Источник материала:

На месцы здарэння. Фота BTV

Паблізу літоўска-беларускай мяжы ў некалькіх кіламетрах ад нашага рэгіёну загінуў літоўскі пагранічнік. Пра гэта паведамляе партал ru.delfi.lt.

5 сакавіка вечарам у 18.45 у Свянцянскім (Швянчонскім) раёне адбылося трагічнае ДТЗ. У 1,5 км ад Зулава (Залаваса) у бок Пабрадэ, да дарозе Свянцяны-Вільня пазадарожнік Jeep Grand Cherokee, на якім на службу на заставу Пававеры ехалі чацвёра пагранічнікаў, сутыкнуліся з аўтобусам Scania, у якім было 15 пасажыраў.

Загінуў пагранічнік Рытыс Д. (1987 г.н.). Два яго саслужыўцы – Лаўрынас Л, (1987 г.н.) і Лайміс Р, (1983 г.н.) – пацярпелі і былі дастаўленыя ў Віленскую лякарню. Пацярпеў і вадзіцель пазадарожніка Артурас Р, (1980 г.н.), аднак яму прызначылі амбулаторнае лячэнне.

Людзі, якія ехалі ў аўтобусе, не пацярпелі.

Па словах паліцэйскіх, пакуль незразумела, хто вінаваты ў ДТЗ. Абставіны здарэння высвятляюцца.

Паводле ru.delfi.lt

Даведка “РГ”. Зулаў (літ. Zalavas, польск. Zułów)  вёска ў Свянцянскім раёне, пры мяжы з Беларуссю, непадалёк ад Свянцянаў. Па перапісе насельніцтва 2001 года ў вёсцы жыло 173 жыхары. Вядомае тым, што там у 1867 годзе нарадзіўся Юзаф Пілсудскі, будучы кіраўнік Польскай дзяржавы. Мяжуе з Астравецкім раёнам паблізу Кямелішак, Варзянаў, Клюшчанаў.

Фота Бронюса Яблонскіса.

Фота Бронюса Яблонскіса.

Фота Бронюса Яблонскіса.

Фота Бронюса Яблонскіса.

Фота Бронюса Яблонскіса.

Пацярпелы аўтобус. Фота Бронюса Яблонскіса.

Пацярпелы аўтобус. Фота Бронюса Яблонскіса.

У салоне аўтобуса. Фота Бронюса Яблонскіса.

Фота Бронюса Яблонскіса.

Фота Бронюса Яблонскіса.

Паблізу мяжы з беларускага боку: Рэпартаж з неіснуючай вёскі.