Пажар на птушніку

Источник материала:

Шэсць пажарных разлікаў былі накіраваны вечарам 22 мая ў вёску Галаўнічы Гродзенскага раёна на ліквідацыю пажару ў будынку птушніка бройлернай фабрыкі СВК "Прагрэс-Верцялішкі".

У памяшканні было моцнае задымленне, гарэла саламяная падсцілка на плошчы 30 квадратных метраў. Байцы МНС разам з персаналам птушніка арганізавалі эвакуацыю птушкі і тушэнне пажару. Выратавана 25,5 тысячы куранят аднадзённага ўзросту, аднак 4,5 тысячы куранят задыхнуліся ў дыме, паведамляе прэс-служба Гродзенскага абласнога ўпраўлення МНС. Прычына пажару высвятляецца.

Барыс ПРАКОПЧЫК.

Каля адзінаццаці гадзін ночы на 24 кіламетры перагона Шаркаўшчына — Варапаева пасажырскі цягнік Лынтупы — Друя — Віцебск збіў дзесяць цялят. Жывёлы, як высветлілася, належаць сельскагаспадарчаму вытворчаму кааператыву "Васюкі" Шаркаўшчынскага раёна. Затрымка ў руху цягніка была невялікай — усяго каля дзесяці хвілін. Аб гэтым паведамілі ў Полацкім аддзеле ўнутраных спраў на транспарце.

Аляксандр ПУКШАНСКІ.