Рука хлопчыка захрасла ў шклопакеце

Источник материала:

У нядзелю, 17 чэрвеня, у адной кватэры ў Астраўцы чатырохгадовы хлопчык прасунуў руку ў адчыненае на праветрыванне акно.

У кватэры хлопчык быў разам з маці і бабуляй, якія займаліся хатнімі справамі.

Жанчыны пачулі плач дзіцяці і ўбачылі, што яго ручка захрасла ў шклопакеце. Самастойна вызваліць руку жанчыны не змаглі і звярнуліся да выратавальнікаў.

Выратавальнікі адразу ж вызвалілі хлопчыка. Медыцынская дапамога яму не была патрэбная.

Нагадваем бацькам, каб яны не пакідалі дзяцей без нагляду.

Эдуард МАЛЫШКА, інспектар групы прапаганды і навучання Астравецкага РАНС.