Вецер пакінуў без электрычнасці

Источник материала:

Фота Пятра Фаміна.

Мінулай ноччу з-за моцнага ветру на тэрыторыі Мінскай вобласці без электразабеспячэння застаўся шэраг прыватных жылых дамоў у Мядзельскім і Вілейскім раёнах. Як паведамілі ў цэнтры прапаганды і навучання пры Мінскім абласным упраўленні МНС, без электрычнасці на Мядзельшчыне з паловы першай гадзіны ночы застаўся агулам 861 прыватны жылы дом (1775 чалавек), на Вілейшчыне з трох гадзін ночы — 1 409 прыватных жылых дамоў (2443 чалавекі). Аб'екты жыццязабеспячэння пад адключэнне электраэнергіі не патрапілі. Да ранку электразабеспячэнне было адноўлена.

Сяргей РАСОЛЬКА.