У Вілейцы і Валожыне збілі пешаходаў без флікераў

01.11.2012 — ЧП |

Размер текста:: A; A; A

Источник материала:

Учора вечарам у двух аварыях пацярпелі пешаходы.

Каля 19 гадзін у сераду, 31 кастрычніка, непадалёк ад Вілейкі 56-гадовы кіроўца аўтамабіля "ГАЗ" пры сустрэчным раз'ездзе не справіўся з кіраваннем і выехаў на абочыну. Ён збіў пешаходаў, якія знаходзіліся на абочыне.

Адзін з пешаходаў, 33-гадовы мужчына, ад пашкоджанняў загінуў на месцы. Другі, якому 26 гадоў, шпіталізаваны ў рэанімацыю.

Віноўнікам ДТЗ у Валожынскім раёне стаў нецвярозы пешаход. Здарэнне адбылося ўчора каля 18 гадзін у мястэчку Івянец.

48-гадовы мужчына раптоўна выйшаў на праезжую частку. На яго наехаў вялікагрузная аўтамашына-аўтапоезд у складзе цягача "Рэно 385" з паўпрычэпам "Трайлер".

Пацярпелы шпіталізаваны.

Здарэнні адбыліся, калі было цёмна. Пешаходы не мелі флікіраў.

Паводле зводкі УУС Мінаблвыканкама.