У маладзечанца ў павеці знайшлі міні-завод па вырабе самагонкі ( + шмат фота)

08.01.2013 — ЧП |

Размер текста:: A; A; A

Источник материала:

У Маладзечне спынілі дзве буйныя нелегальныя самагонныя вытворчасці.

У адной з маладзечанскіх павецяў чацвертага студзеня знайшлі міні-завод, дзе было больш за 1500 літраў самагоннай брагі. Яшчэ 230 літраў ужо было прыгатавана для продажу.

Павець належыць 32-гадоваму мясцоваму жыхару. Ён нідзе не працуе. Цяпер яму прадстаўлены шэраг адміністрацыйных абвінавачванняў: захоўванне самагоннага апарата, самагонкі, брагі і гэтак далей.

Прычым выраб самагонкі быў арганізаваны на высокім узроўні. Да самагоннага апарата быў падведзены нават прыродны газ.

Наняў рабочага для вырабу самагонкі

Таксама затрыманы чалавек без вызначанага месца жыхарства і працы, якога наняў для вырабу самагонкі мясцовы жыхар.

Калі міліцыя знайшла апарат па яе вырабе, гэты чалавек якраз працаваў на ім і жыў тут.

Нагадваем, што ў кругласутачным рэжыме працуе тэлефон "гарачай лініі" МУС: 6785610 (Вэлком).

Па ім можна паведаміць пра месцы вырабу і продажу самагонкі.

Правяраецца любая інфармацыя, у тым ліку і ананімная, ад жыхароў любога рэгіёна Мінскай вобласці.