Як паводка прайшлася па рэгіёне

Источник материала:

Найбольш бяды яна нарабіла ў Маладзечне.

Вада на Маладзечаншчыне трымалася з 10 па 14 красавіка.

У Маладзечанскае МНС звярталіся людзі, у якіх падтапіла прыватныя дамы. Таксама званілі, калі падтапляла двары, скляпы і падвалы.

У самім Маладзечне падтапіла вуліцы Велікодную, Калядную і праезд Першамайскі.

Вада нашкодзіла і ў вёсках Вязавец, Вярхоўка, Дамашы, Сілівонаўка ды Рагазы.

Але нікога не перасялялі, не эвакуіравалі.

Нават з садовага таварыства “Будаўнікоў-81” выклікаў было няшмат. Яго падтаплівае штогод, а ў 2010 годзе вада там увогуле паднялася да вакон.

Сёлета пераважна выклікалі МНС з-за падтапленняў у дварах.

На Астравеччыне і Ашмяншчыне ўвогуле ўсё спакойна і ўзровень вады ў рэках у норме.

З Валожына ў МНС тэлефанавалі два разы. У абодвух выпадках выратавальнікі не спатрэбіліся: людзям па тэлефоне патлумачылі, як змагацца з вадой.

Перажыць паводку дапамаглі начныя маразы

Настасся РОЎДА.

Фота tio.by.