У Беларусі створаны штаб па барацьбе са свіной чумой

Источник материала:

Для прыняцця аператыўных рашэнняў і каардынацыі сітуацыі па барацьбе з чумой свіней створаны рэспубліканскі штаб на чале з намеснікам прэм’ер-міністраБеларусі Міхаілам Русым. Такое рашэнне прынята на пасяджэнні прэзідыума Саўміна 25 чэрвеня. Як паведамляепрэс-службаўрада, падчас пасяджэння прэм’ер-міністрМіхаіл Мясніковіч звярнуў увагу на неабходнасць прыняцця аператыўных мер па барацьбе з захворваннем свіней на асабістых падворках.

«Учора прэзідыум Савета міністраў прыняў пастанову пра дадатковыя меры ў сувязі з захворваннем свіней у асабістых падворках грамадзян у шэрагу раёнаў краіны. Аблвыканкамам, праваахоўным органам, ветэрынарнай службе і ўсім зацікаўленым дзяржорганам неабходна ў поўным аб’ёме выканаць тыя меры, якія вызначаны, і, магчыма, пашырыць некаторыя работы з улікам рэгіянальнай спецыфікі», — адзначыў Мясніковіч.

Нагадаем, 21 чэрвеня дэпартамент ветэрынарнага і харчовага нагляду Мінсельгасхарчу праінфармаваў, што Белдзяржветцэнтр выявіў генетычны матэрыял узбуджальніка афрыканскай чумы свінняў (АЧС) у паталагічным матэрыяле, атрыманым ад трупа свінні, якая належыць жыхару вёскі Чапунь Іўеўскага раёна Гродзенскай вобласці.

Афрыканская чума свіней — вострае кантагіёзнае захворванне, якое характарызуецца хуткім цячэннем і вялікай смяротнасцю жывёл (98–100%). Сродкаў лячэння і спецыфічнай прафілактыкі гэтай хваробы няма. Для чалавека афрыканская чума свіней небяспекі не ўяўляе. Эканамічны ўрон, які наносіцца афрыканскай чумой свіней, складаецца з прамых страт па радыкальнай ліквідацыі хваробы і абмежаванняў, што прымяняюцца ў міжнародным гандлі.

Наша Ніва паводле БелаПАН.

На гэту тэму:

21.06.2013.У Чартавічах на Валожыншчыне забілі ўсіх свіней