Суд у Берасці не ўзнавіў на працы ўрача Таццяну Фесікаву

Источник материала:

Суд Ленінскага раёна Берасця не ўзнавіў на працы ўрача-неўролага Таццяну Фесікаву.

Суддзя Таццяна Ласковіч не ўгледзела парушэнняў у працоўным заканадаўстве. Хаця намер звальнення відаць няўзброеным вокам, кажа блогер Сяргей Пятрухін:

— Суд прыняў бок галоўнага лекара. Я лічу, што ўсё гэта было спланавана і на чалавека ціснуць за ягоную пазіцыю, за ягоны ўдзел у супрацьстаянні заводу. У гэтым шпіталі яшчэ ёсць 1,75 стаўкі, то бок, ніякай неабходнасці звальняць Таццяну Фесікаву не было. Тут зразумела, што ўсё гэта кепска пахне. Тут пад грамадскім рэзанансам нешта можа быць, бо так нічога не будзе.

https://www.racyja.com/wp-content/uploads/2018/06/2018-06-27_adamczuk_lekarku-ne-usnavili-na-pracy_k.mp3

Паводле Сяргея Пятрухіна, суд доўжыўся ўсяго 2 хвіліны. З аднаго боку, гэтае рашэнне – сігнал ад улады астатнім дзяржаўным служачым, маўляў, рыпнецеся, з вамі будзе тое самае. З другога боку, улада безадказна ставіцца да здароўя людзей. Гэта злачынства, калі пры цяперашнім стане здароўя нашых людзей і недахопе ўрачоў звальняюць добрага ўрача-неўролага з 20-гадовым стажам, лічыць Сяргей Пятрухін.