У Мінску на пажары ў інтэрнаце сур’ёзна пацярпела жанчына (фота)

У Мінску ўвечары ў чацвер гарэў інтэрнат МТЗ. Паведамленне пра здарэнне паступіла ў дзяжурную частку МНС у 22.25. Узгаранне адбылося на другім паверсе двухпавярховага будынка ў адным з пакояў. У калідоры знайшлі жыхарку інтэрната — жанчына працуе на прадпрыемстве маляром. Яе даставілі ў лякарню з апёкамі 40% цела і з атручэннем прадуктамі гарэння.

З інтэрната эвакуявалі 30 чалавек. Пажар ліквідавалі за 10 хвілінаў. Агнём пашкоджаныя мэбля, закураны пакой і агульны калідор.

Прычынай здарэння магло стаць неасцярожнае абыходжанне з агнём пры курэнні, паведамляе прэс-служба МНС.