На выставе "Белагра-2016" у Мінску мужчына згубіў партфель з $5 тысячамі

На 26-й Міжнароднай спецыялізаванай выставе "Белагра-2016" у Мінску мужчына згубіў партфель з 5 тысячамі долараў ЗША. Здарэнне адбылося ў чацвер, 9 чэрвеня, на тэрыторыі аэрапорта Мінск-1.   

Як інфармуе прэс-служба ГУУС Мінгарвыканкама, мужчына звярнуўся да супрацоўнікаў АМАП і распавёў пра сваю бяду. Неадкладна да пошукаў партфеля падключыліся ўсе нарады, якія неслі службу на тэрыторыі аэрапорта і вакол яго. На працягу паўгадзіны партфель з валютай знайшлі і вярнулі яго гаспадару.

Адзначаецца, што вызначыліся камандзіры ўзводаў 4-й роты АМАП ГУУС Мінгарвыканкама старшы лейтэнант міліцыі Дзяніс Гушча і старшы лейтэнант міліцыі Аляксандр Васілеўскі.