На Віцебшчыне яшчэ двое дзяцей выпалі з вокнаў

7 ліпеня двое дзяцей выпалі з вокнаў дамоў на Віцебшчыне, паведамляе прэс-служба Следчага камітэта Беларусі.

У Гарадку чатырохгадовы хлопчык выпаў з балконнага акна трэцяга паверха. У той час хлопчыка даглядаў яго дзядзька. На некалькі хвілін ён пакінуў дзіця адно, а калі вярнуўся, убачыў, што дзверы на балкон адчыненыя, пад шыбай стаіць зэдлік, а з двара даносіцца дзіцячы плач.

Хлопчыка з рознымі цялеснымі пашкоджаннямі і страсеннем галаўнога мозгу даставілі ў рэанімацыйнае аддзяленне дзіцячага траўматалагічнага пункта Віцебска.

Другое здарэнне адбылося ў пасёлку Руба, што пад Віцебскам. Чатырохгадовая дзяўчынка гасцявала ў бабулі і выпала з балкона першага паверха, убачыўшы на вуліцы ката. Дзяўчынку павезлі ў Віцебскую абласную бальніцу з рознымі пашкоджаннямі.

З пачатку мая ў Беларусі адбылося прынамсі дзесяць выпадкаў падзення дзяцей з вокнаў.

У Лоеве загінула 2-гадовая дзяўчынка, якая выпала з акна чацвёртага паверха​

У Мінску з акна 6-га паверха выпала чатырохгадовая дзяўчынка

Пасля выпадзення дзяцей з вокнаў СК зацікавіўся вытворчасцю маскітных сетак

Афіцыйнага прадстаўніка СК Беларусі Юлія Ганчарова пакінула пост у сваім Facebook.