Мінчанін загінуў у аўтааварыі пад Асіповічамі

Дарожна-транспартнае здарэнне, у якім загінуў кіроўца аўтамабіля “Опель”, адбылося сёння каля 1.00 каля вёскі Смык Асіповіцкага раёна. Мінчанін 1972 года нараджэння з’ехаў у кювет і перакуліўся. Траўмы сталі прычынай гібелі.

Як перадае прэс-служба МУС, цягам апошніх сутак у Беларусі зафіксавалі 257 злачынстваў і 26 здарэнняў. Па лініі крымінальнага вышуку зарэгістравана 182 злачынствы, па 96 з іх вызначаныя падазраваныя. У крымінальных злачынствах большую частку складаюць крадзяжы (67%).