У Камянецкім раёне аўтамабіль падчас абгону сутыкнуўся з дрэвам, двое загінулых

Раніцай 14 лістапада ў Камянецкім раёне ў вёсцы Ставы аўтамабіль "Фольксваген Пасат" падчас абгону выехаў на сустрэчную паласу. Кіроўца не саўладаў з кіраваннем, у выніку чаго легкавік сутыкнуўся з плотам, а пасля — з дрэвам. Як інфармуе прэс-служба УДАІ УУС Брэсцкага аблвыканкама, 20-гадовыя кіроўца і пасажыр загінулі на месцы, яны не былі прышпіленыя рамянямі бяспекі.

Адзначаецца, што вадзіцель не меў права на кіраванне, ён ніколі не атрымліваў вадзіцельскае пасведчанне.