Затрыманы раварыст, якога падазраюць у нападзе на краму ў Смалявічах

Затрыманы раварыст, якога падазраюць у нападзе на краму ў Смалявічах. Здарэнне адбылося ўвечары 4 сакавіка. Невядомы зайшоў у краму і, пагражаючы прадаўцу нажом і прадметам, падобным на пісталет, запатрабаваў аддаць яму грошы. Аднак нервы ў яго не вытрымалі і ён уцёк, з'ехаў з месца здарэння на ровары.

Як паведамляе прэс-служба міліцыі Мінскай вобласці, у нападзе падазраецца 50-гадовы жыхар Жодзіна, у якога раней ужо былі праблемы з законам. У яго ёсць сям'я, двое дзяцей. У мужчыны знайшлі шапачку з прарэзамі для вачэй, стылізаваны пад пісталет сувенір, якім ён палохаў прадаўца. Праваахоўнікі мяркуюць, што жодзінец можа мець дачыненне да іншых падобных нападаў на крамы.