У чацвер у Беларусі чакаюцца кароткачасовыя ападкі — дождж, мокры снег

Воблачнае з праясненнямі надвор'е чакаецца ў Беларусі 16 сакавіка. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Уначы пераважна па паўночным захадзе, а зранку і ўдзень на большай частцы тэрыторыі сіноптыкі прагназуюць кароткачасовыя ападкі ў выглядзе дажджу і мокрага снегу. Уначы і зранку на асобных участках дарог — галалёдзіца. 

Вецер будзе заходні, паўночна-заходні 5-10 метраў за секунду. Удзень па паўднёвым захадзе чакаюцца парывы ​​ветру да 14 метраў за секунду.

Уначы слупок тэрмометра будзе паказваць ад 2 градусаў марозу да 3 цяпла. Удзень прагназуецца +3...+9 градусаў.