У Віцебску ў двары аднаго з дамоў знайшлі труп шалёнай лісы

У Віцебску ў двары аднаго з дамоў па вуліцы Праўды, 55 знайшлі труп шалёнай лісы. Шаленства пацвердзілі лабараторныя даследаванні. Пра гэта інфармуе БЕЛТА са спасылкай на Віцебскі занальны цэнтр гігіены і эпідэміялогіі. Не выключана, што хворая жывёла мела кантакт з сабакамі, коткамі, якія таксама могуць захварэць. Спецыялісты цэнтра сумесна з ветэрынарамі праводзяць абходы, спрабуюць выявіць выпадкі кантакту з хворай лісой сярод людзей. Пацярпелых заклікаюць звяртацца ва ўстановы аховы здароўя.