Аднаму з пацярпелых падчас падзення ў Мінску прыпынку зробяць аперацыю

Аднаму з пацярпелых падчас падзення ў Мінску жалезнага каркасу прыпынку грамадскага транспарту зробяць аперацыю. Яшчэ дваіх чалавек ужо выпісалі з бальніцы. Пра гэта БЕЛТА паведаміў загадчык траўматалагічным аддзяленнем № 1 Гарадской клінічнай бальніцы хуткай меддапамогі Іван Ладуцька.

Як паведамляла Еўрарадыё, увечары ў панядзелак у Мінску моцны вецер перакуліў прыпынак на вуліцы Брыля. У бальніцу завезлі дваіх мужчын ва ўзросце 20 і 56 гадоў, а таксама 19-гадовую дзяўчыну. У дваіх пацярпелых былі лёгкія траўмы, аднаму з мужчын зробяць аперацыю 6 верасня. Яго стан ацэньваецца як сярэдняй ступені цяжкасці. У мужчыны траўмы мяккіх тканін, грудной клеткі, галавы, а таксама пералом.